侵權 Whatsapp Sticker 視版權如無物
好耐無入返鬧人 mode 仲要寫埋微小說大家肯定唔係好慣，今日又等我爆吓 seed。
近排都好興自製 Whatsapp Sticker，老老實實，如果係自己啲家人貓狗bb呢啲無版權嘅嘢，整黎真係無乜所謂。但係攞人哋啲動漫公仔去整，真係會出事傢。
確實，睇翻版，用翻版，那個沒有？有邊個唔係響黃金翻版 Apple II 學寫 program，又有邊個無用過翻版 Windows？但係依傢人都大咗，就唔好做埋啲咁嘢好唔好？做人要有底線。例如一啲響香港睇唔到嘅日本電視節目，你用另類方法睇呢啲真係無人會怪，但睇還睇，都唔會開心 share 條 link 啦吓嘩？我就寧願等到 MyTVSuper（我只會係睇外購劇，例如《神奈小姐》呢啲無響香港播放過嘅都有得睇）或者黃 Viu 有先至睇，畫質會好好多。所以我真係唔明，要盜版人哋啲公仔仲要放響 page 度話會傳俾人係乜嘢心態，上粉唔係咁樣傢大佬。
所謂開心 share，如果只限自己友，真係無人得閒理你。但係公開傳俾人，出事起上黎真係唔係人咁品。當初夠無人覺得 BT 電影會俾人拉，到最後又咪拉人坐監。如果版權持有人黐線起上黎同你逐粒 sticker 逐個人計，都咪話唔甘。覺得自己唔會咁唔好彩果啲人真係唔好咁幼稚啦好唔好？
仲有，當你響度話名創優品無俾錢印白白上電話殼係仆街，大陸人真係唔好，其實你自己咪又係做緊啲咁嘅嘢？施主，回頭是岸呀！
延仲閱讀
如果你喜歡我的文字，請幫忙按 5 次 LikeButton 化讚為賞，回饋創作；如果登記 LikeCoin ID，登入後再按 LikeButton 我會得到更多獎賞，非常感謝！